قــــصــــيــدة

ياأعز وأغلا من على الكون موجود
يا من لروحي كل شيٍ تراها
يا شمع عمري ينطفي كل موقود
الاشموعك هي لروحي ضياها
لا جيت اعدد كل باقي ومفقود
أو كل حاضر صعب يرقا غلاها
الكل يشهد والجوارح لها شهود
الشاهد الله مالقلبي سواها
محدٍ حملني تحت قلبها بلا حدود
تسعة شهورٍ كانت أكبر عناها
من مثله أمي ريحة المسك والعود
والكادي اللي غار ساعه لقاها
دنياي والله ما لها أي مردود
الكون كله ما يساوي رضاها
أمي ملاكي نورها يجلي السود
مثل الهدب للعين لحظة غفاها
أمي سماء مستحمله برق ورعود
أم النجوم أخت القمر في سناها
أمي حناني منبع الحب والجود
أمي دواء روحي وبلسم شفاها
يمه فديتك والدعاء منك مقصود
هي تحتك الجنه وقصدي أطاها

ادعي وناجي بادعاء خير معبود
قلبي فدا أرضٍ وطيتي ثراها
أسال من الله يحفظك عهد وعهود
طول الزمن تبقي لروحي دفاها

اللهم احفظ جميع امهات المسلمين من كل شر

:جزاك: