من هو يصالحني عليك؟!
...
سِرْب من حمام؟!
قولة :
"يامن يودّي له سلام"؟!
ولاّ وسايد السهر ..
لاجيت انام؟!
ولاّ الكلام…
اللي ذبل على طرف أصابعي.. من غِبْت..
وازهر بي الخصام؟!
أو أغنية لفيروز..
ولاّ قصيدة ممتليه ندم
ولاّ ملام؟!
منهو يصالحني عليك؟!
مات النهار بناظري .. إلا شعاع
فيني غرق كل البحر.. إلاّ شراع
رضيت اجامل حزني فيك ..
رضيت اموت مابين ايديك..
رضيت.. رضيت..
إلا الوداع .
أرجوك بس.. إلاّ الوداع .
من هو يصالحني عليك؟!
من يسرقك ..
من بين زعلك والتقيك
من يسرق الخوف اللي ساكنّي واجيك
من يقنع الماي اللي فيك..
إني عطش..
وغصون عمري تشتهيك؟
من يقنع نْعاس عينك والخدر
إني سهر
على النوافذ أحتريك؟!
من هو يقول لك ياالجمر..
إني أبيك..
بردان.. أبيك.
من هو يصالحني عليك ..؟!
ياللي خذاك مني الجفا
كل ليله أشعل لك حنين
بدل حنين البارحة كل ما طفا
وكل ليلة افرش لك جفن
عطر ودفا
صبر ووفا
وكل ليله من قبل أنام
أوارب اطراف الهدب
علّ وعسى
يمرّني طيفك عَجِل
لامن تعب فيك الزعل
أو جفنه الصاحي غفا!
وكل ليله أسأل هالسؤال:
من هو يصالحني عليك؟!
من هو يصالحني عليّ؟!
من هو يصالحني عليك؟!
...
سِرْب من حمام؟!
قولة :
"يامن يودّي له سلام"؟!
ولاّ وسايد السهر ..
لاجيت انام؟!
ولاّ الكلام…
اللي ذبل على طرف أصابعي.. من غِبْت..
وازهر بي الخصام؟!
أو أغنية لفيروز..
ولاّ قصيدة ممتليه ندم
ولاّ ملام؟!
منهو يصالحني عليك؟!
مات النهار بناظري .. إلا شعاع
فيني غرق كل البحر.. إلاّ شراع
رضيت اجامل حزني فيك ..
رضيت اموت مابين ايديك..
رضيت.. رضيت..
إلا الوداع .
أرجوك بس.. إلاّ الوداع .
من هو يصالحني عليك؟!
من يسرقك ..
من بين زعلك والتقيك
من يسرق الخوف اللي ساكنّي واجيك
من يقنع الماي اللي فيك..
إني عطش..
وغصون عمري تشتهيك؟
من يقنع نْعاس عينك والخدر
إني سهر
على النوافذ أحتريك؟!
من هو يقول لك ياالجمر..
إني أبيك..
بردان.. أبيك.
من هو يصالحني عليك ..؟!
ياللي خذاك مني الجفا
كل ليله أشعل لك حنين
بدل حنين البارحة كل ما طفا
وكل ليلة افرش لك جفن
عطر ودفا
صبر ووفا
وكل ليله من قبل أنام
أوارب اطراف الهدب
علّ وعسى
يمرّني طيفك عَجِل
لامن تعب فيك الزعل
أو جفنه الصاحي غفا!
وكل ليله أسأل هالسؤال:
من هو يصالحني عليك؟!
من هو يصالحني عليّ؟!
من هو يصالحني عليك؟!