أنا أكتب للحب

نص جديد

كتبته روح مجروحة

تؤكد فيه أنها لا تكتب الشعر أبداً

وإنما تترجم مشاعرها

بسبب نزف عاطفي

أرجو ممن يقرأهـ أن يستشعر المعاني الأعمق لظاهر الكلمات فيه

..............

ياهييه وش قد فيني تجرح

ترى جروحك حيل موجعه


إن كنت بوقت الآن فيه تفرح

ترى الأيام بيننا متقلبه


خاف من ربك لأجل تربح

ودع عنك أفعال الولدنه


أنا أكتب للحب وبالحب أفرح

وإنت نصوصك ترهات وفلسفه


إن فيك بقايا ألم ترزح

وش ذنبي تعاقبني بذنب الأوله


ولد الشيوخ أفعاله مير أوضح

وكلها من علوم وسلوم المرجله


حبي كان لك صادق وأصرح

من شمس يومٍ قايله


وش فيك قايم قاعد تشرح

للناس وش سويت مستسهله ؟؟؟


قل وكثر من الجروح وأجرح

أنا ( وليه ) وعندك من الولايه أربعه


كل إناء بما فيه ينضح

وأنا قبلك بالجروح متشبعه


لا تعيد وتزيد وبالسفاسف تفرح

وأتقي دعوة المظلوم في الليالي المظلمة

..................

أصحاب القلوب البيضاء

أحبكم جميعاً

تقبلوا تكرماً عاطر التحايا

منثورة على خمائل الياسمين

لترمز للصدق والنقاء

داخل القلوب البيضاء

.................